రైతు నారాయణతో ఫోటో దిగిన పవన్ కల్యాణ్.. ఆయనెవరు? (video)

Pawan Kalyan

ఆంధ్రప్రదేశ్‌లో ఎన్నికల సమయంలో జనసేన అధినేత పవన్ కళ్యాణ్ టీడీపీకి తన మద్దతును అందించారు. ఈ విజయం తర్వాత, పార్టీలు బీజేపీతో కలిసి సంకీర్ణ ప్రభుత్వాన్ని ఏర్పాటు చేశాయి. ప‌వ‌న్ క‌ళ్యాణ్‌కు రాష్ట్ర ఉప‌ముఖ్యమంత్రి బాధ్య‌త‌లు అప్ప‌గించి చంద్ర‌బాబు నాయుడుతో స‌న్నిహితంగా ప‌నిచేస్తున్నారు.

రాష్ట్రంలో పరిపాలన సాగించడంలో చంద్రబాబు నాయుడు అనుభవం ఎందుకు సహకరిస్తుందో ఇటీవల పవన్ కళ్యాణ్ వివరించారు. "ప్రస్తుతం రాష్ట్రం అప్పుల్లో ఉంది. అనేక సమీక్ష సమావేశాలకు పిలిచినప్పటికీ, మేము అన్ని ఖాతాలలో నిధులు మాత్రమే కనుగొనలేదు. కానీ, చంద్రబాబు నాయుడు గారు త‌న‌కు ఉన్న అనుభ‌వంతో ప‌రిస్థితిని స‌మ‌ర్థించుకుంటున్నారు. ఆయన ఆర్థిక నిర్వహణలో నిపుణులు" అని పవన్ కళ్యాణ్ అన్నారు. 

ఏపీకి చంద్రబాబు అనుభవం అవసరమని డిప్యూటీ సీఎం పవన్ కల్యాణ్ అన్నారు. పంచాయతీలకు ప్రభుత్వ పరంగా ఆస్తులు లేకపోతే వ్యర్థమని పవన్ చెప్పారు. ప్రతి పంచాయతీకి సొంత భూమి ఉండాలని అన్నారు. ప్రభుత్వ భూములను కబ్జా చేస్తే ఊరుకోబోమని... అవసరమైతే గూండా యాక్ట్ తెస్తామని చెప్పారు. 

వైసీపీ పాలనలో పంచాయతీ వ్యవస్థ పూర్తిగా నిర్వీర్యమైందని పవన్ విమర్శించారు. రాజకీయాలకు అతీతంగా రాష్ట్ర అభివృద్ధి కోసం అందరూ పని చేయాలని సూచించారు. పంచాయతీ వ్యవస్థ దేశానికి వెన్నెముక అని చెప్పారు. పదవులు తనకు అలంకరణ కాదని... బాధ్యత అని అన్నారు. 

ఇంకా గ్రామ్ స్వరాజ్ కార్యక్రమంలో పాల్గొన్న సందర్భంగా పవన్ కల్యాణ్ మాట్లాడుతూ.. ఒక సర్పంచ్ తలుచుకుంటే దేశాన్నే కదిలించే శక్తి ఉంది.. అన్నారు. పంచాయతీ ఆస్తి 8 సెంట్లు అని తెలుసుకుని నారాయణ అనే రైతు తనకున్న పది సెంట్లు పంచాయతీకి ఇచ్చారు. దీనిని పవన్ కొనియాడారు. ఆ రైతుకు కితాబిచ్చారు. 

అందరూ తనతో ఫోటో దిగాలని ఎదురుచూస్తారు. కానీ తాను రైతు నారాయణతో ఫోటో దిగుతానని పవన్ కల్యాణ్ చెప్పారు. ఈ సందర్భంగా రైతు నారాయణతో ఫోటో దిగారు. దీనికి సంబంధించిన వీడియో నెట్టింట వైరల్ అవుతోంది. 

పంచాయతీ ఆస్తి 8 సెంట్లు అని తెలుసుకున్న రైతు తనకున్న 10 సెంట్లు పంచాయతీకి ఇచ్చిన రైతు నారాయణ గారు ????????

అందరూ నా ఫోటో కావాలి అంటున్నారు నాకు నారాయణ గారితో ఫోటో కావాలి

- ఉపముఖ్యమంత్రి పవన్ కళ్యాణ్ గారు@PawanKalyan #APTowardsGramSwaraj pic.twitter.com/zh7elZontu

— Legend PawanKalyan FC™ (@Legend_PSPK) August 23, 2024