రేణిగుంట: క్యాషియర్ మెడలో కత్తి పెట్టిన యువకుడు.. సంచిలో డబ్బు వేయమని? (video)

robbery

రేణిగుంట బ్యాంకులో జరిగిన దొంగతనానికి సంబంధించిన సీసీ ఫుటేజ్ సోషల్ మీడియాలో వైరల్‌గా మారింది. తిరుపతి రూరల్ మండలం రేణిగుంట రోడ్డులోని బ్యాంకులోకి దొంగ చొరబడ్డాడు. క్యాషియర్ దగ్గరకు వెళ్లి మెడపై కత్తి పెట్టి బ్యాగులో డబ్బులు వేయాలని బెదిరించాడు. 

ఈ ఘటన ఆలస్యంగా వెలుగులోకి వచ్చింది. అయితే బ్యాంక్‌లో దోపిడీకి ప్రయత్నించిన యువకుడిని స్థానికులు పట్టుకుని చితక్కొట్టారు. మంగళవారం సాయంత్రం బ్యాంకు మూసివేసే సమయంలో ఓ యువకుడు ముఖానికి కర్చీఫ్ కట్టుకుని, బ్యాగ్‌లో కత్తి పెట్టుకుని బ్యాంక్‌కు వచ్చాడు.

క్యాషియర్ పక్కన ఉన్న అకౌంటెంట్ మెడపై కత్తిపెట్టి డబ్బులు బ్యాగ్‌లో వేయాలని బెదిరించాడు. అదే సమయంలో బ్యాంక్‌కు వచ్చిన ఖాతాదారులు ఆ యువకుడిని మాటల్లో దింపి చాకచక్యంగా పట్టుకున్నారు. బయటకు తీసుకు వచ్చి.. గ్రిల్‌కు కట్టేసి చితకబాదారు. తాను రూ. 5 లక్షలు అప్పు చేశారని, ఆ బాధ తట్టుకోలేక చోరీకి వచ్చినట్లు నిందితుడు చెప్పాడు. ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. 

బ్యాంకు ఉద్యోగి మెడ పై కత్తి పెట్టి బెదిరించిన దొంగ...

????తిరపతి రూరల్ మండలం రేణిగుంట రోడ్డులోని బ్యాంకులోకి దొంగ కత్తితో చొరబడ్డ విషయం ఆలస్యంగా వెలుగులోకి వచ్చింది.
????క్యాషియర్ దగ్గరకు వెళ్లి మెడపై కత్తి పెట్టి బ్యాగులో డబ్బులు వేయాలని బెదిరించాడు. pic.twitter.com/yhg9pHggC7

— ChotaNews (@ChotaNewsTelugu) December 18, 2024