రాష్ట్ర విభజన సమయంలో కాంగ్రెస్ అధినేత్రి సోనియా గాంధీ, నాటీ లోక్‌సభ ప్రతిపక్ష నేత సుష్మా స్వరాజ్ కాళ్లను నాడు ఎంపీగా ఉన్న పొన్నం ప్రభాకర్ పట్టుకున్నారా లేదా అనే అంశంపై కేంద్ర మాజీ మంత్రి ఎస్.జైపాల్ రెడ్డి స్పందించారు.
విభజన బిల్లు సమయంలో కాంగ్రెస్ ఎంపీ పొన్నం ప్రభాకర్, బీజేపీ ఫ్లోర్ లీడర్ సుష్మా స్వరాజ్ కాళ్లు పట్టుకున్నారంటూ ఉండవల్లి తన పుస్తకంలో రాయడం మరీ వ్యంగ్యంగా ఉందని మాజీ కేంద్రమంత్రి జైపాల్ రెడ్డి విమర్శించారు.
ప్రసారాలు నిలిపివేయడానికి, విభజన బిల్లు ఆమోదింపజేయడానికి ఎటువంటి సంబంధం లేదన్నారు. హౌస్ ప్రసారాలను నిలిపివేయడమనేది స్పీకర్ వివేచనపై ఆధారపడి ఉంటుందన్నారు. బహుశ హౌస్‌లో పెప్పర్ స్ప్రే కొట్టినందునే, నాడు ప్రసారాలను నిలిపివేసి ఉంటారని తాను భావిస్తున్నానని జైపాల్ రెడ్డి అన్నారు.
