ఓ మహిళను అభాసుపాలు చేసేందుకు ఓ వ్యక్తి చేయకూడని పని చేసి జైలుకెళ్లాడు. 'నేను భర్త తోడు లేకుండా ఒంటరిగా జీవిస్తున్నా. ఎవరైనా నాతో ఓ రాత్రి గడపాలనుకుంటే నన్ను సంప్రదించవచ్చు' అని పేర్కొంటూ ఫోన్‌నెంబరుతో సహా ముద్రించిన కరపత్రాలను పంపిణీ చేశాడు. ఈ విషయంపై బాధితురాలు పోలీసులకు ఫిర్యాదు చేయడంతో రంగంలోకి దిగిన పోలీసులు.. ఆమెను అరెస్టు చేశారు. ఈ వివరాలను పరిశీలిస్తే...
నిజాంపేటలో నివాసముండే ఓ మహిళ భర్త ఉండగానే మరో వ్యక్తితో సన్నిహితంగా ఉండేది. అయితే, ఆమె భర్త నాలుగు నెలల క్రితం జరిగిన రోడ్డు ప్రమాదంలో దుర్మరణం పాలయ్యాడు. భర్త చనిపోయాక ఆ మహిళ సన్నిహితంగా ఉన్న వ్యక్తిని అలక్ష్యం చేయడంతో ఆగ్రహంతో అతడు జీడిమెట్లలోని ఓ ప్రింటింగ్‌ ప్రెస్‌లో మహిళపై అసభ్యమైన పదజాలంతో కరపత్రం ప్రిటింగ్‌ చేయించాడు.
ఆ కరపత్రాలను మహిళ నివాసముండే ప్రాంతంలో పంపిణీ చేశాడు. కరపత్రాలను చూసిన ఇరుగు పొరుగు వారు ఈ విషయాన్ని సదరుమహిళకు తెలుపడంతో తీవ్ర ఆవేదనకు గురైన ఆ మహిళ కేపీహెచ్‌బీ పోలీసులకు ఫిర్యాదు చేసింది. కేసు దర్యాప్తు చేపట్టిన పోలీసులు నిందితున్ని అదుపులోకి తీసుకుని అసలు విషయం రాబట్టారు. నిందితుడిపైనా ప్రిటింగ్‌ప్రెస్‌ నిర్వాహ కుడిపైనా 354, 509, 501 సెక్షన్ల కింది కేసులు నమోదు చేసి రిమాండ్‌కు తరలించారు.
