ఏపీసీసీ అధ్యక్షురాలు షర్మిల నిర్వహిస్తున్న వైఎస్ఆర్ జయంతి వేడుకల్లో పాల్గొనేందుకు తెలంగాణ ముఖ్యమంత్రి రేవంత్ రెడ్డి సోమవారం విజయవాడకు రానున్నారు. దివంగత ముఖ్యమంత్రి వైఎస్ రాజశేఖర్‌రెడ్డి (వైఎస్ఆర్) 75వ జయంతి వేడుకలకు సీఎంతో పాటు డిప్యూటీ సీఎం, పలువురు మంత్రులు కూడా హాజరుకానున్నారు.
మంగళగిరిలోని సికె కన్వెన్షన్ హాల్‌లో జరగనున్న ఈ కార్యక్రమం ఆంధ్రప్రదేశ్‌లోని వైఎస్ఆర్ అనుచరులతో తిరిగి కనెక్ట్ కావడానికి కాంగ్రెస్ పార్టీ చేస్తున్న ప్రయత్నాల్లో భాగంగా ఉంది. ఇటీవ‌ల ఏపీలో జ‌రిగిన అసెంబ్లీ ఎన్నిక‌ల్లో వైఎస్ జ‌గ‌న్ నేతృత్వంలోని వైసీపీ 11 సీట్లు మాత్ర‌మే గెలుచుకోగ‌లిగింది. దీంతో వైఎస్ఆర్ అభిమానుల‌ను ఆక‌ట్టుకునేలా కాంగ్రెస్ ప్ర‌య‌త్నాలు ముమ్మ‌రం చేసింది.
మరోవైపు తెలంగాణలో వైఎస్ఆర్ జయంతి వేడుకలను ప్రజాభవన్, గాంధీభవన్‌లో నిర్వహించేందుకు టీపీసీసీ కూడా ఏర్పాట్లు చేస్తోంది. ఉత్సవాల్లో భాగంగా ప్రజాభవన్‌లో వైఎస్ఆర్ విజయాలను తెలియజేస్తూ ఫొటో ఎగ్జిబిషన్‌ ఏర్పాటు చేశారు.
