ముఖ్యంగా వచ్చే ఎన్నికల్లో ఏపీ నుంచి కాంగ్రెస్ పార్టీ తరపున ఇతర పార్టీలకు చెందిన వారు అభ్యర్థులుగా పోటీ చేసే అవకాశాలున్నాయి. ఎంపీ అభ్యర్థులుగా పోటీ చేసేందుకు తెలంగాణ ఫలితాలు బిగ్ షాట్లకు అవకాశం కల్పిస్తున్నాయి. తెలంగాణలో కాంగ్రెస్ పార్టీ అధికారం చేపడితే ఆ ఎఫెక్ట్ పక్క ఏపీలో కచ్చితంగా ఉంటుందని, మళ్లీ పాత రోజులు రాకపోయినా.. కొద్దికొద్దిగా కోలుకుంటుందని నాయకత్వం కూడా లెక్కలు వేస్తోంది.
క్షేత్రస్థాయిలో వాస్తవ పరిస్థితులను పరిశీలిస్తే.. రాష్ట్రంలోని 175 ఎమ్మెల్యే స్థానాల్లో పోటీ చేసేందుకు కాంగ్రెస్ పార్టీకి అభ్యర్థులే లేరు. అయితే ఇప్పుడు తెలంగాణలో కాంగ్రెస్ అధికారంలోకి వస్తే సీఎం, మంత్రులు ఏపీలో తరచూ పర్యటించడం ప్రారంభిస్తారు.
అలాగే, పోటీకి అభ్యర్థులు కూడా ఇక్కడే దొరుకుతుందని భావిస్తున్నారు. ముఖ్యంగా ఎన్నో ఏళ్లుగా ఎంపీ స్థానాల్లో పోటీ చేసేందుకు వెనుకాడిన వారు కూడా ఈసారి ముందుకు వచ్చే అవకాశం ఉందని అంటున్నారు. ఐదు రాష్ట్రాల ఎన్నికల్లో కనీసం రెండింటిలోనైనా కాంగ్రెస్ విజయం సాధించే అవకాశం ఉన్నందున ఆ ప్రభావం ఏపీపై ఉంటుందని అంచనా వేస్తున్నారు.
