ఏపీ ఉప ముఖ్యమంత్రి, జనసేన పార్టీ అధినేత పవన్ కళ్యాణ్‌పై వైకాపా అధ్యక్షుడు, మాజీ ముఖ్యమంత్రి జగన్మోహన్ రెడ్డి సెటైర్లు వేశారు. ఆ పెద్ద మనిషి పవన్ అంటూ వ్యాఖ్యానించిన జగన్... పవన్ కార్పొరేటర్‌కు ఎక్కువ ఎమ్మెల్యేకు తక్కువ అంటూ వ్యాఖ్యానించి పైగా, ఆయన ఎమ్మెల్యేగా ఒక్కసారి మాత్రమే గెలిచారంటూ ఎద్దేవా చేశారు.
తమ పార్టీకి చెందిన నేతలు 10 మంది టీడీపీ ఎమ్మెల్యేలను లాగేస్తే చంద్రబాబుకు ప్రతిపక్ష హోదా పోతుందని అన్నారనీ, కానీ తానే వారిని వారించి చంద్రబాబుకు ప్రతిపక్ష హోదాను కొనసాగించానని చెప్పారు. పైగా, ఇంతమంది సభ్యులు ఉంటేనే ప్రతిపక్ష హోదా అనేది ఎక్కడా లేదని జగన్ కొత్త వితండ వాదాన్ని తెరపైకి తెచ్చారు.
