అయితే, రాజకీయాల్లోకి తొలుత అన్నయ్య వచ్చారు. ప్రజారాజ్యం పెట్టారు. 2009 ఎన్నికల్లో పోటీ చేశారు. 18 సీట్లతో సరిపెట్టుకున్నారు. ఆ తర్వాత పార్టీని కాంగ్రెస్ పార్టీలో విలీనం చేశారు. ఆయన మాత్రం రాజ్యసభ సభ్యుడుగా ఎంపికై కేంద్ర మంత్రిగా పని చేశారు. రాష్ట్ర విభజన అనంతరం చిరంజీవి రాజకీయాలకు దూరంగా ఉంటున్నారు.
"జనసేన పార్టీ తరపున ప్రచారానికి అన్నయ్య వచ్చే అవకాశం లేదు. ఆయన పొలిటికల్ కన్‌క్లూజన్ ఆయన తీసేసుకున్నారు. పాలిటిక్స్‌ను నేను చూసే విధానం వేరు.. ఆయన చూసే విధానం వేరు. ఆ విషయంలో మా ఇద్దరి మధ్య స్పష్టత ఉంది. ఆయన కళాకారుడు.. నేను కళాకారుడిని కాదు. అంతే తేడా" అని పవన్ వివరించారు. సో.. జనసేన తరపున చిరంజీవి ప్రచారం చేయరనే విషయంపై క్లారిటీ వచ్చింది.
