అయితే చిత్తూరుజిల్లా పీలేరు నియోజకవర్గం కె.వి.పల్లి మండలం బండవడ్డిపల్లిలో గ్రామంలో అర్హులైన వారికి వాలంటీర్ వెయ్యిరూపాయలు ఇవ్వడం లేదని విశ్వనాథరాజు అనే వ్యక్తి ప్రశ్నించాడు. వాలంటీర్ శ్రీనివాస్ పైన ఎమ్మార్వోకు ఫిర్యాదు చేస్తానని చెప్పారు విశ్వనాథరాజు. దీంతో ఆగ్రహంతో ఊగిపోయిన వాలంటీర్ శ్రీనివాస్ విశ్వనాథరాజుపై దాడి చేయాలని నిర్ణయించుకున్నాడు. ఈ రోజు మధ్యాహ్నం ఎమ్మార్వోకు ఫిర్యాదు చేసేందుకు ఇంటి నుంచి వెళుతున్న విశ్వనాథరాజుపై కత్తితో దాడి చేశాడు.
దీంతో విశ్వనాథ్ వీపు, తలకు తీవ్ర గాయాలయ్యాయి. హుటాహుటిన బాధితుడిని తిరుపతి రుయా ఆసుపత్రికి తరలించి చికిత్స నిర్వహిస్తున్నారు. వాలంటీర్ శ్రీనివాస్‌తో వ్యక్తిగత కక్షలేమీ లేవని, కరోనా విపత్తు సాయాన్ని అడిగినందుకే తనపై కత్తితో దాడి చేశాడని బాధితుడు విశ్వనాథరాజు పోలీసులకు ఫిర్యాదు చేశాడు.
