రైతులకు వడ్డీలేని రుణాల కోసం రూ.128.47 కోట్ల వడ్డీ రాయితీ ఇవ్వనుంది ఏపీ సర్కారు. 6,27,906 మంది రైతులకు ఈ రాయితీ లభించనుంది. ఈ క్రమంలో రైతుల బ్యాంకు ఖాతాల్లో జమ చేయనున్నారు సీఎం జగన్. అంతేగాకుండా.. సీఎం జగన్ మంగళవారం వడ్డీ పంట రుణాల పథకం అమలు చేస్తున్నారు. లక్ష రూపాయల వరకు పంట రుణాలు తీసుకుని, ఏడాది లోపు ఆ రుణం తిరిగి చెల్లించిన రైతులందరికీ సున్నా వడ్డీ పంట రుణాల పథకం వర్తింపజేస్తున్నారు.
రైతులకు ఇప్పటివరకు రూ.1,132.54 కోట్ల వడ్డీ రాయితీని ప్రభుత్వం అందజేసింది. ఇప్పుడు రెండో ఏడాది కూడా.. అంటే 2019-20 రబీ సీజన్‌లో లక్ష రూపాయల వరకు పంట రుణాలు తీసుకుని ఏడాదిలోపు తిరిగి చెల్లించిన 6,27,906 మంది రైతులకు వడ్డీ రాయితీ కింద రూ.128.47 కోట్లు చెల్లిస్తున్నారు.
