గడప గడపకు మన ప్రభుత్వం కార్యక్రమాన్ని రద్దు చేసిన ఏపీ సర్కారు

ఆంధ్రప్రదేశ్ ప్రభుత్వం "గడప గడపకు మన ప్రభుత్వం" కార్యక్రమంపై కీలక నిర్ణయం తీసుకుంది. రాష్ట్ర ప్రణాళిక శాఖ ముఖ్య కార్యదర్శి పియూష్ కుమార్ ఈ కార్యక్రమాన్ని వెంటనే రద్దు చేస్తున్నట్లు అధికారిక ఉత్తర్వు జారీ చేశారు.

ఈ కార్యక్రమాన్ని మొదట వైఎస్సార్‌సీపీ ప్రభుత్వ హయాంలో ప్రవేశపెట్టారు. మొదట్లో పార్టీ పరంగా ప్రారంభించబడిన ఇది తరువాత ప్రభుత్వ మద్దతు గల కార్యక్రమంగా రూపాంతరం చెందింది.

రాష్ట్ర ఎన్నికలకు ఒక సంవత్సరం ముందు గత ప్రభుత్వం ఈ పథకాన్ని ప్రారంభించింది. అయితే, సంకీర్ణ ప్రభుత్వం అధికారంలోకి వచ్చిన ఏడు నెలల తర్వాత దీనిని ఆపివేయాలని నిర్ణయించుకుంది. 

అలాగే ఆంధ్రప్రదేశ్‌లో వైకాపా ప్రభుత్వం హయాంలో జరిగిన మద్యం అక్రమాలపై సిట్‌ను ఏర్పాటు చేస్తూ రాష్ట్ర ప్రభుత్వం ఉత్తర్వులు జారీ చేసింది. 2019 అక్టోబర్ నుండి 2024 మార్చి వరకు రాష్ట్రంలో మద్యం విక్రయాలకు సంబంధించి రూ. 90 వేల కోట్ల నగదు లావాదేవీలు జరిగాయనే ఆరోపణలు ఉన్నాయి. నగదు లావాదేవీలతో పాటు హోలోగ్రామ్‍‌ల వ్యవహారంలోనూ పెద్ద ఎత్తున అక్రమాలు చోటు చేసుకున్నాయనే ఆరోపణలు ఉన్నాయి.