దసరా పండుగ సందర్భంగా విజయవాడలో ఏపీఎస్ఆర్టీసీ ఆధ్వర్యంలో ప్రత్యేక బస్సులు నడుపుతున్నారు. హైదరాబాద్, చెన్నై, బెంగళూరు, రాజమండ్రి, విశాఖపట్నం వంటి ప్రాంతాల నుంచి విజయవాడకు ప్రత్యేక బస్సులు నడపనున్నారు.
హైదరాబాద్, చెన్నై, బెంగళూరు నుంచి విజయవాడకు ప్రత్యేక బస్సులు నడుపుతున్నట్లు ఆర్టీసీ ప్రకటించింది. విజయవాడ నుంచి విశాఖపట్నం, కాకినాడ, అమలాపురం, రాజమహేంద్రవరం, తిరుపతి, భద్రాచలం, రాయలసీమకు వెయ్యి బస్సులను ఏర్పాటు చేశారు.
అక్టోబర్ 13న రాజమండ్రి నుంచి 6, విశాఖపట్నం నుంచి 10, బెంగళూరు నుంచి ఒకటి, చెన్నై నుంచి 3, ఇతర ప్రాంతాల నుంచి విజయవాడకు 18 ప్రత్యేక సర్వీసులు నడపనున్నారు. అక్టోబర్ 18 నుంచి క్రమంగా బస్సుల సంఖ్యను పెంచుతున్నట్లు ప్రకటించారు.
