న్యూఢిల్లీలో పార్లమెంట్ బడ్జెట్ సమావేశాలు జనవరి 31న ప్రారంభం కానున్నాయి. ఫిబ్రవరి 1న కేంద్రం బడ్జెట్ ప్రవేశపెట్టనుంది. దేశ ఆర్ధిక వ్య‌వ‌స్థ‌కు కీల‌కం అయిన కేంద్ర బడ్జెట్ త‌యారీలో ఆర్ధిక శాఖ నిమ‌గ్నం అయి ఉంది. ఈసారి కూడా కేంద్ర ఆర్ధిక శాఖ మంత్రి నిర్మ‌లా సీతారామ‌న్ కేంద్ర బడ్జెట్ ని ప్ర‌వేశ‌పెడుతున్నారు.
పార్లమెంట్ బడ్జెట్ సమావేశాలు ఈనెల 31 నుంచి ఏప్రిల్ 8 వరకు జరగనున్నాయి. పార్లమెంట్ వ్యవహారాల కేబినెట్ కమిటీ సిఫారసు మేరకు ఈ నిర్ణయం తీసుకున్నట్లు అధికార వర్గాలు తెలిపాయి. తొలి రోజు ఉభయ సభల్లో రాష్ట్రపతి రామ్నాథ్ కోవింద్ ప్రసంగించనున్నారు. ఫిబ్రవరి 1వ తేదీన కేంద్రం బడ్జెట్ ప్రవేశపెట్టనుంది. ఈ సమావేశాల తొలి అర్ధ భాగం ఫిబ్రవరి 11న ముగియనుంది. నెల రోజుల విరామం తర్వాత మార్చి 14న తిరిగి పార్లమెంట్ సమావేశాలు ప్రారంభమై, ఏప్రిల్ 8 వరకు జరగనున్నాయి.
