హైదరాబాద్‌లోని ఓ బ్యూటీ పార్లర్‌లో క్రాస్ మసాజ్ యధేచ్చగా సాగుతోంది. ఇక్కడకు వచ్చే ఒక్కో కస్టమర్ నుంచి భారీ మొత్తంలో డబ్బులు వసూలు చేయడమేకాకుండా, అమ్మాయిలతో హస్త ప్రయోగం చేయిస్తూ వచ్చారు. ఈ విషయం పోలీసులకు చేరింది. దీంతో రంగంలోకి దిగిన టాస్క్ ఫోర్స్... క్రాస్ మసాజ్ నిర్వహిస్తున్న ఇద్దరు నిర్వాహకులతోపాటు నలుగురు యువతులను అదుపులోకి తీసుకుంది.
ఈ బ్యూటీ పార్లర్‌ను బేగంపేటకు చెందిన డి.శ్రీనివాస్ (34) అనే వ్యక్తి 'అమిగో హెయిర్‌ అండ్‌ బ్యూటీ పేరుతో నిర్వహిస్తున్నట్టు విచారణలో తేలింది. కస్టమర్లను తీసుకురావటానికి సాయిబాబా(31)ను, వచ్చిన వారికి మసాజ్ చేయటానికి నలుగురు యువతులను నియమించుకున్నాడు. ఒక్కో కస్టమర్ నుంచి రూ.2500 నుంచి రూ.3 వేల వరకు వసూలు చేయసాగాడు. సమాచారం అందుకున్న పోలీసులు బ్యూటీ పార్లర్‌పై దాడి చేసి ఆరుగురిని అదుపులోకి తీసుకొని రాంగోపాల్‌పేట పోలీసులకు అప్పగించారు.
