కర్ణాటక రాజధాని బెంగుళూరులో కాల్చివేతకుగురైన సీనియర్ పాత్రికేయురాలు, సామాజిక కార్యకర్త గౌరీ లంకేష్ హత్యపై జనసేన పార్టీ అధినేత, సినీ హీరో పవన్ కళ్యాణ్ స్పందించారు. ఈ మేరకు ఆయన తన ట్విట్టర్ ఖాతాలో వరుస ట్వీట్లు చేశారు.
చేతిలో పెన్నుతో సామాజిక న్యాయం, నిబద్ధత కోసం మనస్ఫూర్తిగా కట్టుబడి ఉన్నవ్యక్తి భావస్వేచ్ఛను ఎవరూ అడ్డుకోలేరని అన్నారు. భిన్నమతాలు, భాషలు, సంస్కృతులు.. ఉన్న మన దేశంలో ఓ మహిళా జర్నలిస్టు హత్యకు గురికావడం దారుణమన్నారు. ఈసంఘటన ద్వారా మన జాతి నిర్మాతల స్ఫూర్తిని హతమార్చినట్టే అవుతుందని ఆవేదన వ్యక్తంచేశారు.
ఈ హత్యకు గల కారణాలు తెలుసుకోకుండా, దీని వెనుక హిందుత్వ శక్తులు ఉన్నాయని ఆరోపణలు చేయడం సబబు కాదని అన్నారు. ఒక గౌరీ లంకేశ్‌ను హత మార్చడం ద్వారా 'మిలియన్ల గౌరీలు' పుట్టుకొస్తారని, ఆమె ఆత్మకు శాంతి చేకూరాలని పవన్ కోరారు.
