హీరో పవన్ కళ్యాణ్, మాటల మాంత్రికుడు త్రివిక్రమ్ దర్శకత్వంలో ఓ చిత్రం తెరకెక్కుతోంది. ఈ చిత్రానికి ఇంజనీర్ బాబు అనే టైటిల్‌ను ఖరారు చేసినట్టు వార్తలు వచ్చాయి. అయితే, ఇపుడు మరో టైటిల్ హల్‌చల్ చేస్తోంది. ఆ టైటిల్ పేరు "అజ్ఞాతవాసి".
ఈ నేపథ్యంలో, కథ ప్రకారం ఈ సినిమాకి 'అజ్ఞాతవాసి' అనే టైటిల్‌ను ఎంపిక చేసినట్టుగా సోషల్ మీడియాలోనూ.. ఫ్యాన్స్ గ్రూపుల్లోను ఒక వార్త చక్కర్లు కొడుతోంది. అయితే ఇది కేవలం ఊహాగానాల్లో నుంచి పుట్టిందా?.. లేదంటే నిజంగానే ఆ దిశగా ఆలోచనలు నడుస్తున్నాయా? అనే విషయంలో స్పష్టత రావలసి వుంది.
కాగా, ఈ చిత్రంలో కీర్తి సురేష్, అనూ ఇమ్మాన్యుయేల్‌లు హీరోయిన్లుగా నటిస్తున్నారు. యువ సంగీత దర్శకుడు అనిరుద్ సంగీత బాణీలు సమకూర్చుతున్నారు. ఈ చిత్రంలోని ఓ పాటను బాణీలను కూడా పవన్ కల్యాణ్ బర్త్‌డే సందర్భంగా రిలీజ్ చేసిన విషయం తెల్సిందే.
