రోజా అంటేనే ఫైర్ బ్రాండ్. ఆమె ఏది చేసినా చర్చకు దారి తీస్తుంటుంది. ఎప్పుడూ ఏదో ఒకటి చేస్తూ వార్తల్లో నిలిచే రోజా మళ్ళీ తానేంటో నిరూపించుకున్నారు. క్రీడలపై తనకున్న మక్కువను మరోసారి చూపించారు రోజా. ఆసుపత్రుల్లో ఆంబులెన్స్ నడుపుతూ, చిన్నపిల్లలను ఆడిపించుకుంటూ, క్రికెట్, కబడ్డీ ఆడుతూ ఇలా ఒక్కోరకంగా కనిపించే రోజా ఈరోజు వాలీబాల్ ఆడారు.
ఎంతో ఆసక్తికరంగా గేమ్ సాగింది. యువకులతో ఏమాత్రం తీసిపోకుండా సరిసమానంగా వాలీబాల్ ఆడారు. క్రీడల ఆవశ్యతలను ఈ సంధర్భంగా రోజా తెలిపారు. యువత ఆరోగ్యంగా ఉండాలంటే ఖచ్చితంగా క్రీడలు తప్పనిసరి అని, విద్యతో పాటు కాసేపు క్రీడలపై కూడా విద్యార్థులు ఆసక్తి చూపించాలన్నారు.
