పోలింగ్ కేంద్రాల వద్ద తెల్లవారుజామున పోలింగ్ నమోదైందని, ప్రజల్లో ఉన్న అవగాహన, నిబద్ధతకు నిదర్శనమని లోకేష్ హైలైట్‌ చేశారు. విధ్వంసకర శక్తులకు వ్యతిరేకంగా ఆంధ్రప్రదేశ్ ప్రజలు చూపిన సంకల్పం భావి తరాలకు చిరస్మరణీయ ఘట్టంగా చరిత్రలో నిలిచిపోతుందని వ్యాఖ్యానించారు.
ఆంధ్రప్రదేశ్ రాష్ట్రానికి ఈ రోజు చారిత్రాత్మకమని అభివర్ణించారు. ఉదయం 7 గంటలకే గణనీయ సంఖ్యలో ఓటర్లు పోలింగ్ కేంద్రాల వద్దకు చేరుకోవడం, పోలింగ్ ముగిసే వరకు ఉత్సాహంగా ఉండటాన్ని చంద్రబాబు గుర్తించారు. ఇది స్ఫూర్తిదాయకమని పేర్కొన్నారు.
