ఆ ఐదుగురు పట్టుబడితే నయీంకు సంబంధించిన పలు కీలక విషయాలు వెలుగు చూసే అవకాశం ఉంది. ఇప్పటికే అరెస్టు చేసిన నిందితుల నుంచి కీలక వ్యక్తులకు సంబంధించిన సమాచారాన్ని పోలీసులు సేకరించారు. ఈ మేరకు సిట్ పోలీసులు ఆంధ్రప్రదేశ్, ఛత్తీస్‌గఢ్, కర్ణాటకల్లో గాలించేందుకు ప్రత్యేక బృందాలను రంగంలోకి దించారు.
మరోవైపు.. నయీం కేసులో ఇప్పటివరకు అరెస్టు చేసిన వారి సంఖ్య 50కి చేరింది. వీరిలో ఎక్కువ మంది నయీం కుటుంబ సభ్యులు లేదా అనుచరులే ఎక్కువగా ఉన్నారు. అయితే, నయీం తన ఆర్మీగా చెప్పుకునే నయీం కుడి భుజం శేషన్నతో పాటు రామన్న, ఖలీమ్, సురేందర్, జహంగీర్ అనే వ్యక్తుల కోసం సిట్ తీవ్రంగా గాలిస్తోంది.
