నూజివీడు ఐఐఐటీ కళాశాలలో ఫుడ్ పాయిజన్ కారణంగా పెద్ద సంఖ్యలో విద్యార్థులు అస్వస్థతకు గురైన నేపథ్యంలో, ఫైన్ క్యాటరింగ్ సర్వీసెస్- అనూష హాస్పిటాలిటీ సేవలను రాష్ట్ర ప్రభుత్వం నిలిపివేసింది. విచారణ నివేదిక ఆధారంగా ఈ చర్యలు తీసుకున్నారు.
ఈ కాంట్రాక్టర్లను బ్లాక్ లిస్టులో పెట్టాలని, భవిష్యత్తులో ఎలాంటి టెండర్లలో పాల్గొనకుండా చూడాలని విద్యాశాఖ మంత్రి నారా లోకేష్ అధికారులను ఆదేశించారు. వారిపై క్రిమినల్ కేసులు నమోదు చేయాలని అధికారులను ఆదేశించిన ఆయన ఫుడ్ కోర్టును వెంటనే మూసివేయాలని ఆదేశించారు.
