ప్రముఖ నటి జ్యోతిక మరోమారు దక్షిణాది చిత్ర పరిశ్రమలో తన అసంతృప్తిని వ్యక్తం చేసింది. దక్షిణాది చిత్రాల్లో హీరోయిన్లకు ప్రాధాన్యత ఇక్కడ అంటూ ఆమె తన అక్కసును వెళ్లగక్కారు. మూవీ వాల్ పోస్టర్లలో కేవలం హీరోలు మాత్రమే కనిపిస్తారన్నారు. ఇటీవల ఓ చిత్ర ప్రమోషన్ కార్యక్రమంలో ఆమె పాల్గొని ప్రసంగిస్తూ, దక్షిణాది సినిమా పోస్టర్లలో కేవలం హీరోలే కనిపిస్తారు. హీరోయిన్ల ఫోటోలు ఉండవు అంటూ వ్యాఖ్యానించారు.
బాలీవుడ్, మలయాళ చిత్రపరిశ్రమల్లోతనకు లభించిన గౌరవాన్ని జ్యోతిక ఈ సందర్భంగా గుర్తు చేసుకున్నారు. హిందీలో తాను నటించిన 'సైతాన్' సినిమా పోస్టర్‌ను అజయ్ దేవగన్ తన సోషల్ మీడియాలో షేర్ చేశారు. అలాగే, మలయాళంలో సూపర్ స్టార్ మమ్మూట్టితో నటించి 'కాథల్ ది కోర్' చిత్ర పోస్టర్‌లోనూ తన ఫోటో ఉందని, ఆ పోస్టర్‌ను మమ్మూట్టి కూడా షేర్ చశారని ఆమె వివరించారు.
అయితే, దక్షిణాదిలో పరిస్థితి దీనికి పూర్తి భిన్నంగా ఉందని జ్యోతిక ఆవేదన వ్యక్తం చేసింది. తాను ఇక్కడ ఎంతో మంది స్టార్ హీరోలతో కలిసి పని చేశానని, కానీ ఓ ఒక్క హీరో కూడా హీరోయిన్ ఫోటో ఉన్న పోస్టర్‌ను తమ సోషల్ మీడియాలో పోస్ట్ చేయడానికి ఆసక్తి చూపలేదని అన్నారు.
