దాచేపల్లి అత్యాచార ఘటన చాలా బాధాకరమైన ఘటనని చంద్రబాబు వాపోయారు. రాష్ట్ర ముఖ్యమంత్రిగా నేను చాలా బాధపడ్డానని, నాకే ఇంత బాధ ఉంటే ఆ బాలిక తల్లిదండ్రులకు ఎంత బాధ ఉంటుందో అర్థం చేసుకోవాలన్నారు. దాచేపల్లి ఘటన చాలా దారుణం, అమానవీయం... నాగరిక ప్రపంచం ఈ ఘటన చూసి సిగ్గుపడాలి. ఈ కేసును ఛేదిచడానికి 17 టీంలు ఏర్పాటు చేసాం.... ప్రజలు కూడా చాలా బాగా స్పందించారు. దీనికి ప్రజలను అభినందిస్తున్నా అన్నారు.
ఇలాంటి ఘటనలు పాల్పడినవారికి అదే చివరి రోజు అనే విధంగా ఉండాలి. ఇలాంటి నేరం చేస్తే బతకలేము అనే భయం రావాలి.. ఇటువంటి ఘటనలు జరగకుండా సోమవారం ఆడబిడ్డలకు రక్షణగా కదులుదాం, రాష్ట్ర వ్యాప్తంగా ర్యాలీలు నిర్వహిస్తాం అని అన్నారు. అన్ని పార్టీలు, సంఘాలు పాల్గొనాలని విజ్ఞప్తి చేసారు. కొందరు ఆంబోతులుగా రోడ్డు మీదికి వస్తున్నారు. ఇటువంటి వారిని సహించేది లేదు. పూర్తిగా అణిచివేస్తాం.
టెక్నాలజీ కారణంగా పోర్న్ ఫిలిమ్స్ అందేబాటులో ఉంటున్నాయి. దీని మూలంగా అనేక సమస్యలు వస్తున్నాయి, ఫోర్న్ ఫిలిమ్స్‌ని నియంత్రించాలన్నారు. బాధితురాలికి మరో 5 లక్షలు డిపాజిట్, 2 ఎకరాలు భూమి, ఇల్లు, తండ్రికి ఉద్యోగం ఇస్తాం అని మీడియా సమావేశంలో తెలిపారు. దాచేపల్లి నిందితుడు ఆఖరి మాటలు వీడియో...
