భారతీయ జనతా పార్టీ సారథ్యంలోని ఎన్డీయే కూటమిలో తెలుగుదేశం పార్టీ చేరబోతున్నట్టు సాగుతున్న ప్రచారంపై టీడీపీ అధినేత నారా చంద్రబాబునాయుడు స్పందించారు. ఈ తరహా ప్రచారం చేసేవారే సమాధానం చెప్పాలని కోరారు. ఈ అంశంపై తాను స్పందించబోనని చెప్పారు. రాష్ట్ర ప్రయోజనాల కోసమే ఆ నాడు ఎన్డీయే కూటమి నుంచి వైదొలగాల్సి వచ్చిందని ఆయన వివరించారు.
కాగా, 2023లో తెలంగాణాలో 2024లో సార్వత్రిక ఎన్నికలు జరుగనున్నాయి. ముఖ్యంగా 2023లో జరిగే అసెంబ్లీ ఎన్నికల్లో తెలంగాణాలో అధికారంలోకి రావాలని బీజేపీ గట్టి పట్టుదలతో ఉంది. ఇందుకోస తనతో కలిసి వచ్చే పార్టీలతో పొత్తుపెట్టుకోవాలని భావిస్తుంది. ఇందులోభాగంగా, తెలంగాణాలో దాదాపు 10 నుంచి 20 శాతం మేరకు ఓటు బ్యాంకు కలిగిన టీడీపీతో పొత్తుకు బీజేపీ సై అంటోంది.
అధికారంలో ఉన్నప్పుడు పాలనపైనే ఎక్కువ దృష్టి పెట్టడం వల్ల రెండు సార్లు నష్టపోయామని చెప్పారు. రాష్ట్రానికి మంచి పేరు తీసుకురావాలని వ్యక్తిగతంగా ఎంతో నష్టపోయామని తెలిపారు. దేశంలో సంక్షేమ పథకాలకు శ్రీకారం చుట్టింది టీడీపీనే అని చెప్పారు. టీడీపీ మళ్లీ అధికారంలోకి వస్తే సంక్షేమ పథకాలను రెట్టింపు చేస్తామని హామీ ఇచ్చారు.
