కలియుగ ప్రత్యక్షదైవంగా భావించే శ్రీ వేంకటేశ్వర స్వామి పేరిట ఉన్న ఆస్తుల వివరాలను తిరుమల తిరుపతి దేవస్థాన కార్యనిర్వహణాధికారి ధర్మారెడ్డి వెల్లడించారు. వారణాసిలో జరిగిన అంతర్జాతీయ ధార్మిక సమావేశంలో ఆయన పాల్గొని ఈ విషయాలను బహిర్గతం చేశారు. తిరుమల శ్రీవారి ఆస్తులు, ఇతర నిర్వహణ వివరాలను ఆయన పవర్ పాయింట్ ప్రజెంటేషన్ ద్వారా వెల్లడించారు.
ఆయన వెల్లడించిన వివరాల మేరకు... శ్రీవారి పేరిట బ్యాంకుల్లో రూ.17 వేల కోట్ల నగదు డిపాజిట్లు ఉన్నాయి. బ్యాంకుల్లో 11 టన్నుల బంగారం ఉంది. శ్రీవారికి అలంకరించే బంగారు ఆభరణాల బరువు 1.2 టన్నులు. వెండి ఆభరణాల బరువు 10 టన్నులు. తితిదే పరిధిలో 600 ఎకరాల్లో అటవీ ప్రాంతం ఉంది. టీటీడీలో 24500 మంది ఉద్యోగులు పని చేస్తున్నారు.
