రోదిస్తున్న కుటుంబాల్లో నాలుగు నెలల గర్భిణి అయిన నీలాదేవి అనే యువతి కూడా ఉంది. ఈ ప్రమాదంలో ఆమె తన భర్త చిరంజీవిని కోల్పోయింది. ఈ సందర్భంగా ఆమె మాట్లాడుతూ.. "మాకు కేవలం ఆరు నెలల క్రితమే వివాహం జరిగింది, నేను నాలుగు నెలల గర్భవతిని" అని ఆమె దుఃఖంతో వణుకుతున్న స్వరంతో చెప్పింది.
''నా భర్త మరణవార్త విని చాలా బాధపడ్డాను. అతను లేకుండా భవిష్యత్తును ఎలా ఎదుర్కోవాలో, ఏమి చేయాలో నాకు తెలియదు" అని రోదించింది. అనకాపల్లి జిల్లా దార్లపూడికి చెందిన చిరంజీవి (24) 2023 నవంబర్‌ నుంచి యూనిట్‌లో ఫిట్టర్‌గా పనిచేశాడు.
