ఇప్పటికే 26 జిల్లాలకు చెందిన నేతలకు మంత్రి పదవులు ఉంటాయని ముఖ్యమంత్రి స్పష్టం చేశారు. అన్ని వర్గాలకు సామాజిక న్యాయం చేయాలన్నదే ఆలోచన అని స్పష్టం చేశారు. దీంతో మరింతమంది ఆశలు పెట్టుకున్నారు. ముఖ్యంగా చిత్తూరు జిల్లాకు సంబంధించి ఎమ్మెల్యే రోజాకు సినిమాటోగ్రఫీ శాఖ మంత్రిగా అవకాశం వచ్చిందని.. త్వరలోనే ఆమె పదవిని కూడా అలంకరించడం ఖాయమని పెద్ద ఎత్తున ప్రచారం జరుగుతోంది.
ఇక ఉన్నది రెండేళ్ళు మాత్రమే. ప్రభుత్వ విప్ పదవికి రాజీనామా చేసి మంత్రిగా వెళ్లాలనే ఆలోచనలో చెవిరెడ్డి ఉన్నారట. చెవిరెడ్డికి మంత్రి పదవి వస్తుందని ఎప్పటినుంచో ఆయన అనుచరులు ఆశతో ఉన్నారు. మంత్రుల జాబితాలో చెవిరెడ్డి పేరు ఉందని తెలియడంతో ఎంతో సంతోషంగా ఉన్నారట ఆయన అనుచరులు. అయితే ఇప్పుడే ఈ విషయాన్ని చెప్పొద్దని.. చెవిరెడ్డి అనుచరులకు సూచించారట. మరి చూడాలి మంత్రివర్గంలో పదవులు ఎవరిని వరిస్తాయో... ఎవరిని ఊసూరుమనిపిస్తాయో..
