బహుజన పరిరక్షణ సమితి మూడు రాజధానులకు సంపూర్ణ మద్దతు తెలిపింది. ఇదే అంశంపై సీఎంకు విజ్ఞప్తి చేసేందుకు ఆ సమితి నేతలు గుర్నాథం, సాంబయ్య. ఆదాం తదితరులు గురువారం ఏపీ మంత్రి ఆదిమూలపు సురేష్‌తో కలిసి సీఎం జగన్‌ను కలిశారు. ఈ సందర్భంగా వారు మూడు రాజధానుల బిల్లును అసెంబ్లీలో పెట్టాలని సీఎం జగన్‌కు ఒక వినతిపత్రం సమర్పించారు.
ఇదే అశంపై గుర్నాథం మాట్లాడుతూ, అసెంబ్లీలో మూడు రాజధానుల బిల్లును ప్రవేశపెట్టాలని సీఎం జగన్‌కు వినతిపత్రం అందజేసినట్టు చెప్పారు. ఆయన కూడా సానుకూలంగా స్పందించి ఈ నెల 21వ తేదీన అసెంబ్లీలో బిల్లును ప్రవేశపెడతామని తమకు హామీ ఇచ్చారని గుర్నాథం వెల్లడించారు.
