ఏపీ ముఖ్యమంత్రి, వైకాపా అధినేత జగన్మోహన్ రెడ్డి ఈ నెల 17వ తేదీన కర్నూలు జిల్లాలో పర్యటించనున్నారు. జిల్లాలోని ఓర్వకల్లు మండలం, బ్రాహ్మణపల్లి మజరా గ్రామం గుమ్మటం తండాకు ఆయన విచ్చేయనున్నారు. ఇక్కడ రూ.15 వేల కోట్ల పెట్టుబడితో 5410 మెగావాట్ల విద్యుత్ ఉత్పాదనే లక్ష్యంగా గ్రీన్‌కో ఎనర్జీస్ లిమిటెడ్ ప్రతిష్టాత్మకంగా ఓ ప్రాజెక్టును నిర్మించనుంది. ఈ ప్రాజెక్టు శంకుస్థాపనకు సీఎం జగన్ వస్తున్నారు. ఈ మేరకు ముఖ్యమంత్రి కార్యాలయ అధికారులు అధికారంగా ఓ ప్రకటన చేశారు. దీంతో సీఎం జగన్ పర్యటన కోసం ఉమ్మడి కర్నూలు జిల్లా అధికారులు భారీ ఏర్పాట్లు చేస్తున్నారు.
సీఎం జగన్ షెడ్యూల్ వివరాలు...
మంగళవారం ఉదయం 9.35 గంటలకు విజయవాడలోని ఆయన నివాసం నుంచి గన్నవరం ఎయిర్‌పోర్టుకు బయలుదేరుతారు. ఆ తర్వాత ఉదయం పది గంటలకు గన్నవరం నుంచి ప్రత్యేక విమానం ద్వారా ఓర్వకల్లు ఎయిర్‌పోర్టుకు బయలుదేరుతారు.
