వైకాపా రాజ్యసభ సభ్యుడు విజయసాయిరెడ్డి కీలక వ్యాఖ్యలు చేశారు. మరికొన్ని గంటల్లో ఏపీ ముఖ్యమంత్రి, టీడీపీ అధినేత నారా చంద్రబాబు నాయుడు నిరుద్యోగిగా మారనున్నారని జోస్యం చెప్పారు. సార్వత్రిక ఎన్నికల ఫలితాలు మే 23వ తేదీన వెల్లడికానున్నాయి.
ఈ నేపథ్యంలో ఆయన తన ట్విట్టర్ ఖాతాలో ఓ ట్వీట్ చేశారు. '23వ తేదీతో రాజకీయ నిరుద్యోగిగా మారే చంద్రబాబు కొత్త వర్క్ కోసం ఎక్కని గడప, దిగని గడప లేదన్నట్టు తిరుగుతున్నాడు. ఈయనకు ఉపాధి కల్పించే స్థితిలో వారెవరూ లేరు. వాళ్లే అసలు ఉద్యోగం లేకనో, సగం పనితోనో కాలం గడుపుతున్నారు' అంటూ ట్వీట్ చేశారు.
