ముల్లంగి ఆరోగ్యానికి ఎంతో మేలు చేస్తుంది. ఈ ముల్లంగి ఆకులను, దుంపలను ఎండబెట్టుకుని మెత్తగా దంచుకోవాలి. ఈ మిశ్రమాన్ని తేనెలో కలుపుకుని ప్రతిరోజూ తీసుకుంటే శరీరంలోని వాపులు, నొప్పులు వంటి సమస్యల నుండి ఉపశమనం పొందవచ్చును. పచ్చి ముల్లంగి దుంపలు లేదా దాని ఆకులను రసంగా చేసుకుని తీసుకుంటే విరేచననాలకు మంచిగా ఉపయోగపడుతుంది.
ముల్లంగి విత్తులను బాగా ఎండబెట్టుకుని పొడి చేసుకోవాలి. ఈ పొడిని ప్రతిరోజూ అన్నంలో కలుపుకుని తీసుకుంటే స్త్రీలలో రుతు సంబంధ వ్యాధుల నుండి విముక్తి చెందవచ్చును. ఆగకుండా వెక్కిళ్లు వస్తున్నప్పుడు కొద్దిగా ముల్లంగి రసాన్ని తాగితే వెంటనే తగ్గిపోతాయి. విపరీతమైన జలుబు, దగ్గు, ఆయాసంతో బాధపడుతున్న వారికి ముల్లంగి రసం దివ్యౌషధంగా పనిచేస్తుంది.
మూత్రపిండాల్లోని రాళ్లను కరిగించడంలో ముల్లంగి ఎంతో దోహదపడుతుంది. ఈ ముల్లంగి ఆకులను తరచుగా ఆహారంలో చేర్చుకుంటే అస్సలు రాళ్లు ఏర్పడే అవకాశామే ఉండదు. ఈ ముల్లంగి రసంలో కొద్దిగా నువ్వుల నూనెను కలుపుకుని వడబోసి ఒక డబ్బాలో నిల్వచేసుకోవాలి. ఈ ముల్లంగి నూనె మంచి ఔషధంగా పనిచేస్తుందని ఆరోగ్య నిపుణులు సూచిస్తున్నారు.
