ఒత్తిడిలో ఉన్నప్పుడు ఎప్పటిలానే పనులు చేసుకుపోకండి. కనీసం పది నిమిషాలైనా విశ్రాంతి తీసుకోండి. రోజువారీ దినచర్యలో విశ్రాంతి కంటూ సమయం కేటాయించండి. ఇలా చేస్తే శరీరానికి, మనస్సుకు విశ్రాంతి లభించినట్లవుతుంది.
రోజువారీ పనులను సమయం ప్రకారం, ప్రణాళిక ప్రకారం చేసుకుపోండి. అలాగే మీ వల్ల కాదనుకునే పనులను స్వీకరించకండి. తద్వారా భారాన్ని తగ్గించుకోండి. పనిభారం ఎక్కువగా ఉందనుకున్నప్పుడు సహోద్యోగులు, కుటుంబ సభ్యుల సలహాలను తీసుకోండి.
దినచర్య ఎంత బిజీగా సాగుతున్నప్పటికీ మీ జీవితంలో సరదాలూ ఉండేలా చూసుకోండి. పిల్లలతో కలిసి ఆడుకోవడం, ఎప్పుడయినా పిక్నిక్ లాంటి వాటికి వెళ్లడం, రోజూ కాసేపు నచ్చిన పనులు చేయడం లాంటివి ముఖ్యమే. సాధ్యమైనంతవరకు ఆరోగ్యానికి ప్రాధాన్యం ఇవ్వాలి.
