కరోనా వ్యాక్సిన్‌ వేయించుకునే వినియోగదారులకు టైమింగ్‌ స్లాట్‌ కేటాయించనున్నట్లు వైద్య, ఆరోగ్యశాఖ అధికారులు తెలిపినట్లు ‘నమస్తే తెలంగాణ’ తెలిపింది. టీకా వేయించుకునేవారికి వారి నివాస స్థలానికి దగ్గరలో ఉన్న కరోనా టీకా కేంద్రంలోనే వ్యాక్సినేషన్‌కు అనుమతిస్తారు.
ముందుగా నమోదు చేసుకున్నవారికి నివాస స్థలానికి సంబంధించిన పిన్‌కోడ్‌, టీకా కేంద్రం కోడ్‌, చిరునామాతో పాటు టీకా వేసే తేదీ, సమయంతో కూడిన స్లాట్‌ వివరాలను మెసేజ్‌ రూపంలో పంపిస్తామని వైద్యాధికారులు తెలిపారు.
