తలలో రక్తప్రసరణ సరిగ్గా లేకపోవడం వలన జుట్టు ఎక్కువగా రాలుతుంది. అంతేకాకుండా దుమ్ము పేరుకుపోయి పలు రకాల చర్మవ్యాధులు, చుండ్రు సమస్యలు ఎదురవుతాయి. ఇలాంటి సమస్యలకు ఈ చిట్కాలు పాటిస్తే మంచి ఫలితాలను పొందవచ్చును.
పెరుగులో కొద్దిగా చక్కెర, ఉప్పు కలుపుకుని జుట్టుకు రాసుకోవాలి. 20 నిమిషాల తరువాత తలస్నానం చేయాలి. దాంతో జుట్టు ఒత్తుగా పెరుగుతుంది. జుట్టుకు పోషకాహారం కూడా చాలా ముఖ్యమే. అప్పుడే జుట్టు ఆరోగ్యంగా ఉంటుంది. విటమిన్స్, ఇనుము, ప్రోటీన్స్ ఉండే ఆకుకూరలు, తాజా పండ్లు, గింజ ధాన్యాలు, మాంసాహారం, గుడ్లు ఎక్కువగా తీసుకోవాలి.
