ఇటీవలి వారాల్లో క్రమంగా పెరుగుతున్న బంగారం ధరలు ఇటీవల గణనీయంగా తగ్గాయి. ఒకే రోజులో ధరలు రూ.1,500 పైగా తగ్గాయి. దీనితో ఢిల్లీ బులియన్ మార్కెట్లో 10 గ్రాముల స్వచ్ఛమైన బంగారం ధర రూ.91,450కి తగ్గింది. వారం క్రితం ధర దాదాపు రూ.93,000 ఉండగా, తాజా పతనంతో రూ.92,000 దిగువకు పడిపోయింది.
ఆభరణాల వ్యాపారులు- స్టాకిస్టుల అమ్మకాల కార్యకలాపాలు పెరగడం వల్ల బంగారం ధరలు తగ్గాయని బులియన్ వ్యాపారులు చెబుతున్నారు. హైదరాబాద్ బులియన్ మార్కెట్లో 10 గ్రాముల బంగారం ధర రూ.280 తగ్గి రూ.90,380కి చేరుకుంది. వెండి ధరలు కూడా తగ్గుముఖం పట్టాయి.
పారిశ్రామిక రంగాలు మరియు నాణేల తయారీదారుల నుండి కొనుగోళ్లు నిలిచిపోవడంతో, వెండి ధరలు కిలోగ్రాముకు రూ.3,000 తగ్గి రూ.92,500కి పడిపోయాయి. అయితే, హైదరాబాద్‌లో కిలో వెండి ధర రూ.1.03 లక్షలుగానే ఉంది.
అమెరికా అధ్యక్షుడు డొనాల్డ్ ట్రంప్ చర్యల వల్ల ఈక్విటీ మార్కెట్లలో పతనంతో పాటు ఆర్థిక మందగమన భయాలు పెట్టుబడిదారులు అమ్మకాల వైపు మొగ్గు చూపాయని, ఇది ధరల తగ్గుదలకు దోహదపడిందని మార్కెట్ విశ్లేషకులు పేర్కొన్నారు.
