ఉద్యోగస్తులు పీఎఫ్‌లో ఎంతుందో సులభంగా పొందేందుకు వీలుగా మిస్డ్ కాల్డ్‌ టెక్నాలజీని ప్రవేశపెట్టినట్లు కేంద్ర కార్మిక శాఖ ప్రకటించింది. ఇంగ్లీష్‌, హిందీతో పాటు మరో 8 భారతీయ భాషల్లో బ్యాలెన్స్ వివరాలు పొందవచ్చని కేంద్ర కార్మిక శాఖ చెప్పింది.
మిస్డ్ కాల్ ఇచ్చిన వెంటనే పీఎఫ్ మొత్తం ఎంత వుందనే వివరాలు ఎస్‌ఎంఎస్‌ ద్వారా అందుతాయి. ఈ సర్వీస్‌కు ఎలాంటి చార్జీలు ఉండబోవని కార్మిక శాఖ తెలిపింది. అదే విధంగా రిజిస్టర్‌ మొబైల్‌ నెంబర్ నుంచి ‘EPFOHO UAN’ అని టైప్‌ చేసి 7738299899 నెంబర్‌కు ఎస్‌ఎంఎస్‌ చేయడం ద్వారా కూడా వివరాలు పొందవచ్చునని కార్మిక శాఖాధికారులు ఓ ప్రకటనలో వెల్లడించారు.
