మిచెలిన్ తన వార్షిక మిచెలిన్ గైడ్ దుబాయ్ యొక్క మూడవ ఎడిషన్‌ను వన్ అండ్ ఓన్లీ వన్ జబీల్‌లో వద్ద జరిగిన ప్రతిష్టాత్మక వేడుకలో విడుదల చేసింది. రెండు మిచెలిన్ స్టార్‌లను అందుకున్న దుబాయ్‌లో నాల్గవ రెస్టారెంట్‌గా రో ఆన్ 45 నిలిచింది. ఈ సంవత్సరం ప్రతిష్టాత్మకమైన మిచెలిన్ గైడ్ దుబాయ్‌లో మొత్తం 106 రెస్టారెంట్లు పాల్గొన్నాయి. 2024 ఎడిషన్ నాలుగు 2 స్టార్స్ మిచెలిన్ రెస్టారెంట్‌లను, 15 వన్ స్టార్ మిచెలిన్ రెస్టారెంట్‌లను గుర్తించింది, దుబాయ్ ఇప్పుడు 18 బిబ్ గౌర్మాండ్ రెస్టారెంట్స్, మూడు మిచెలిన్ గ్రీన్ స్టార్‌లకు నిలయంగా ఉంది.
మిచెలిన్ గైడ్ దుబాయ్‌లో వినూత్న కాన్సెప్ట్-డైనింగ్ రెస్టారెంట్‌లతో భారతీయ వంటకాలు సముచిత స్థానాన్ని ఏర్పరుచుకుంటూనే ఉన్నాయి. ఇవి 11 స్థానాలను పొందాయి. దుబాయ్ కార్పోరేషన్ ఫర్ టూరిజం అండ్ కామర్స్ మార్కెటింగ్ (డిసిటిసిఎం) యొక్క సీఈఓ ఇస్సామ్ కాజిమ్ మాట్లాడుతూ “మిచెలిన్ గైడ్ దుబాయ్ యొక్క మూడవ ఎడిషన్‌ను మేము గర్వంగా వేడుక చేసుకుంటున్నాము, గుర్తించబడిన అన్ని రెస్టారెంట్‌లకు, అలాగే రెస్టారెంట్లు, చెఫ్‌లు, వారి సంబంధిత విజయాల్లో పాల్గొన్న ఇతర ప్రతిభావంతులకు మేము మా అభినందనలు తెలియజేస్తున్నాము. మా సందర్శకులు, నివాసితులకు అనుకూలమైన బడ్జెట్‌లను అందించే విభిన్నమైన గ్యాస్ట్రోనమిక్ ఆఫర్‌లతో దుబాయ్ ఇప్పుడు అత్యంత ఆకర్షణీయంగా మారుతుంది" అని అన్నారు.
ది మిచెలిన్ గైడ్స్ యొక్క అంతర్జాతీయ డైరెక్టర్ గ్వెండల్ పౌలెన్నెక్ మాట్లాడుతూ, "దుబాయ్ ఇప్పుడు నిజంగా అంతర్జాతీయ గ్యాస్ట్రోనమిక్ గమ్యస్థానంగా గుర్తించబడింది. అంతర్జాతీయ ప్రయాణికులు లేదా స్థానిక గౌర్మెట్‌లతో మాత్రమే కాదు; ప్రపంచవ్యాప్తంగా ఉన్న ప్రతిభావంతులైన చెఫ్‌లు, రెస్టారెంట్లు ఇప్పుడు దాని శక్తివంతమైన భోజన దృశ్యం ద్వారా ఆకర్షితులవుతున్నారు. నగరంలో తమదైన ముద్ర వేయడానికి ఆసక్తి చూపుతున్నారు" అని అన్నారు.
