హైదరాబాద్: ఆంధ్రప్రదేశ్, తెలంగాణ ఇంటర్‌సిటీ బస్సు బుకింగ్‌లలో బలమైన పెరుగుదల నమోదైంది. ప్రపంచంలోనే అతిపెద్ద ఆన్‌లైన్ బస్ టికెటింగ్ ప్లాట్‌ఫామ్ అయిన రెడ్‌బస్‌లో జూన్ 2025లో(జూన్ 2024తో పోలిస్తే) సీట్ల రిజర్వేషన్‌లు 35% పెరిగాయి. జూన్ నెలలో సాధారణంగా ప్రయాణాలు చాలా తక్కువగా ఉంటాయి. ఉదాహరణకు, జూన్ 2023తో పోలిస్తే జూన్ 2024లో వృద్ధి 19% మాత్రమే కనిపించింది. డిమాండ్ పెరుగుదలకు ప్రధాన కారణం ముహూర్తాలే.
వీటిలో ఎక్కువ భాగం జూన్ 2-9 (వివాహాలకు శుభ ముహూర్తాలు)మధ్య వచ్చాయి, జూన్ 2024లో ముహూర్త తేదీలు లేవు. ఈ పెరుగుదలతో పాటు రాష్ట్రవ్యాప్తంగా తీర్థయాత్రకు సంబంధించిన ప్రయాణంలో పదునైన పెరుగుదల కన్పించింది. కాకినాడ, రాజమండ్రి మరియు కొత్తగూడెం వంటి మెట్రోయేతర నగరాల నుండి వచ్చే ప్రయాణికులు కూడా ఈ పెరుగుదలకు కారణమని భావిస్తున్నారు. మరోవైపు చిన్న పట్టణాల్లో కూడా డిజిటల్ చెల్లింపులు ఉండడం వల్ల ఎక్కువ బుకింగ్స్ కు కారణంగా అనుకుంటున్నారు.
అంతర్రాష్ట్ర ప్రయాణం: అత్యధిక బుకింగ్‌లు జరిగిన కొన్ని ముఖ్య మార్గాలు:
హైదరాబాద్-బెంగళూరు
హైదరాబాద్-విజయవాడ-హైదరాబాద్
తిరుపతి-బెంగళూరు
విశాఖపట్నం-హైదరాబాద్
హైదరాబాద్-తిరుపతి
టాప్ బోర్డింగ్ పాయింట్లు
ఈ నెలలో ఎక్కువ మంది ప్రయాణించిన వచ్చే బోర్డింగ్ ప్రదేశాలు:
RTC బస్ స్టాండ్
కూకట్‌పల్లి (హైదరాబాద్)
మియాపూర్ (హైదరాబాద్)
గచ్చిబౌలి (హైదరాబాద్)
లక్డికాపుల్ (హైదరాబాద్)
ప్రైవేట్ బస్సులు vs. ఆర్టీసీ: మొత్తం బుకింగ్‌లలో దాదాపు 78% ప్రైవేట్ బస్సుల్లో జరిగాయి. అయితే 23% బుకింగ్‌లు ఆర్టీసీ(ప్రభుత్వ-నడుపబడే) బస్సుల్లో జరిగాయి.
బస్సు టైప్:
ఏసీ బస్సులు: 61% బుకింగ్‌లు ఎయిర్ కండిషన్డ్ బస్సుల్లో జరిగి. ఇది ప్రయాణికులు మరింత సౌకర్యవంతమైన ట్రావెలింగ్ ను కోరుకుంటున్నారనే డిమాండ్ ను సూచిస్తుంది. అన్నింటికి మించి ప్రీ బుకింగ్ చేసుకుంటున్నారనే విషయం అర్థం అవుతుంది.
నాన్-AC బస్సులు: 39% బుకింగ్‌లు నాన్-AC బస్సుల కోసం జరుగుతున్నాయి.
ప్రయాణికుల డెమోగ్రాఫిక్స్:
మొత్తం సీట్లలో 36% మహిళా ప్రయాణికులు బుక్ చేసుకున్నారు, వారిలో 52% యువకులు (21-35 సంవత్సరాలు).
మొత్తం సీట్లలో 64% పురుష ప్రయాణికులు బుక్ చేసుకున్నారు, వారిలో 56% యువకులు (21-35 సంవత్సరాలు).
మొత్తంగా పైనున్న వివరాల్ని ఒక్కసారి గమనిస్తే.. ఆంధ్రప్రదేశ్, తెలంగాణ అంతటా ప్రయాణాల్లో స్పష్టమైన మార్పు కన్పిస్తుంది. సాంస్కృతిక క్యాలెండర్లు చిన్న పట్టణాలలో పెరుగుతున్న డిజిటల్ చెల్లింపులు కూడా ప్రధాన కారణంగా చెప్పవచ్చు. యువతకు ఎక్కువగా ప్రయాణాల వైపు మొగ్గుచూపడం, టైర్-3 నగరాలసహకారం, సుదీర్ఘమైన, సౌకర్యవంతమైన ప్రయాణాలకు ప్రాధాన్యత, ఇంటర్‌సిటీ ప్రయాణంలో స్థిరమైన మార్పుల్ని నొక్కి చెబుతున్నాయి. ముహూర్తాలు, తీర్థయాత్రలు వంటి కాలానుగుణ డిమాండ్‌ను సూచిస్తున్నాయి.
