లిక్కర్ కింగ్ విజయ్ మాల్యాకు అరెస్టు అయిన కేవలం 3 గంటల్లోనే బెయిల్ మంజూరైంది. విజయ్ మాల్యాను స్కాట్లాండ్ యార్డ్ పోలీసులు మంగళవారం లండన్‌లో అరెస్టు చేశారు. ఆ తర్వాత ఆయనను వెస్ట్ మినిస్టర్ కోర్టులో హాజరుపరచగా, ఆయనకు షరతులతో కూడిన బెయిల్‌ను మంజూరు చేసింది. అదీ అరెస్టు అయిన కేవలం 3 గంటల్లోనే బెయిల్ మంజూరు కావడం గమనార్హం.
భారత కాలమానం ప్రకారం మంగళవారం ఉదయం 9.30 గంటలకు మాల్యాను అరెస్టు చేసినట్లు యూకే పోలీసులు భారత్‌లోని సీబీఐ అధికారులకు సమాచారమందించారు. ఆ తర్వాత కోర్టులో హాజరుపరచగా, ఆయనకు 3 గంటల్లోనే వెస్ట్‌మినిస్టర్‌ మేజిస్ట్రేట్‌ కోర్టు షరతులతో కూడిన బెయిల్ మంజూరు చేసింది. విజయ్‌మాల్యాను త్వరలోనే భారత్‌ తీసుకొచ్చేందుకు సీబీఐ అధికారులు ప్రయత్నాలు ప్రారంభించినట్లు సమాచారం.
