మాస్టర్ బ్లాస్టర్ సచిన్ టెండూల్కర్ కుమారుడు అర్జున్ టెండూల్కర్‌కు చుక్కెదురైంది. విజయ్ హజారె వన్డే ట్రోఫీలో పాల్గొనే ముంబై సీనియర్‌ జట్టు జాబితాలో అత‌డి పేరు లేదు. క‌నీసం అందులో చోటు సంపాదించుకోలేక‌పోవ‌డంతో ఐపీఎల్‌లో అత‌డు ప్ర‌వేశించ‌డం క‌ష్టమే. ఈ నెల 20 నుంచి విజయ్ హజారె వన్డే ట్రోఫీ ప్రారంభం కానుంది. 22 మంది ఆటగాళ్లతో జట్టును ప్రకటించారు. ఇందులో అర్జున్ టెండూల్కర్ పేరు కనిపించలేదు.
కానీ, అయితే, ఐపీఎల్ సీజన్‌ వేలానికి ముందు అర్జున్‌కు చేదు అనుభ‌వం ఎదురైంది. విజయ్ హజారె వన్డే ట్రోఫీలో పాల్గొనే ముంబై సీనియర్‌ జట్టు జాబితాలో అత‌డి పేరు లేదు.
ఇప్ప‌టికే సయ్యద్‌ ముస్తాక్‌ అలీ టీ20 ట్రోఫీ కోసం తొలిసారి ముంబై సీనియర్‌ జట్టుకు అర్జున్ టెండూల్కర్ ఎంపికయ్యాడు. అయితే, అందులో రాణించలేకపోయాడు. దీంతో విజయ్ హజారె ట్రోఫీ జట్టులో పాల్గొనే అవ‌కాశం కోల్పోయాడు. ఇప్ప‌టికే అర్జున్ ఈ నెల 18న జరగనున్న ఐపీఎల్ వేలంలో పేరు నమోదు చేసుకున్నాడు. అత‌డిపై ఎవ్వ‌రూ ఆస‌క్తిక‌న‌బ‌ర్చే అవ‌కాశం లేదని స్ప‌ష్ట‌మ‌వుతోంది.
