ఆస్ట్రేలియా క్రికెట్ జట్టుకు చెందిన విధ్వంసకర బ్యాట్స్‌మెన్ డేవిడ్ వార్నర్. కరోనా లాక్డౌన్ కారణంగా ఇంటికే పరిమితమై తన భార్య, పిల్లలతో ఖాళీ సమయాన్ని ఎంజాయ్ చేస్తున్నాడు. పనిలోపనిగా ఈ క్రికెటర్ మనసు తెలుగు పాటలపై పడింది. ముఖ్యంగా, అల్లు అర్జున్ నటించిన లేటెస్ట్ మూవీ "అల.. వైకుంఠపురములో" చిత్రంలోని పాటలపై మనసుపారేసుకున్నాడు. ఇంకేముంది.. అచ్చం.. స్టైలిష్ స్టార్ తరహాలోనే డ్యాన్సులు చేస్తూ, వాటిని టిక్‌టాక్‌ యాప్‌లో షేర్ చేస్తుండటంతో అవి వైరల్ అవుతున్నాయి. పైగా, ఈ వీడియోలను చూసిన సినీ సెలెబ్రిటీస్ ఫిదా అయిపోతున్నారు.
తన భార్యతో కలిసి వార్నర్ హుషారుగా స్టెప్పులేస్తుండగా, కూతురు కూడా హుషారుగా కాలు కదిపింది. ఏదేమైనా వార్నర్ చూపు అల్లు అర్జున్ పాటలు, స్టెప్పులపై పడిందనడంలో సందేహం లేదు. ఇప్పటివరకు వార్నర్ చేసిన పాటలు బన్నీ నటించిన "అల.. వైకుంఠపురములో" చిత్రంలోనివే కావడం విశేషం.
