శ్రీలంకతో జరిగిన తొలి వన్డేలో శిఖర్ ధావన్ పలు రికార్డులు నెలకొల్పాడు. వన్డేల్లో భారత జట్టుకి నాయకత్వం వహించిన 25వ కెప్టెన్గా రికార్డుల్లోకి ఎక్కాడు. దీంతో లేటు వయసులో జట్టు పగ్గాలు అందుకున్న భారత కెప్టెన్గా గబ్బర్ నిలిచాడు. 35 సంవత్సరాల 225వ రోజు ధావన్ టీమియా పగ్గాలు అందుకున్నాడు. దీంతో 1984లో తొలిసారిగా భారత జట్టుకు నాయకత్వం వహించిన మొహిందర్ అమర్‌నాథ్ రికార్డును బద్దలు కొట్టాడు.
పాకిస్థాన్‌పై 34 సంవత్సరాల 37 రోజుల వయసులో అమర్‌నాథ్ తొలిసారిగా టీమిండియాకు నాయకత్వం వహించాడు. సయ్యద్ కిర్మానీ (33 సంవత్సరాల 353 రోజులు), అజిత్ వాడేకర్ (33 సంవత్సరాలు 103 రోజులు)లు ఆ తర్వాతి స్థానాల్లో ఉన్నారు.
శిఖర్ ధావన్ వన్డేలో 6000 పరుగులు పూర్తి చేశాడు. ఈ ఘనత సాధించిన పదో భారత బ్యాట్స్మన్గా నిలిచాడు గబ్బర్. 6000 పరుగులు పూర్తిచేయడానికి ధావన్ 140 ఇన్నింగ్స్లు తీసుకున్నాడు. వివ్ రిచర్డ్స్, జో రూట్ (వీరిద్దరూ 141 ఇన్నింగ్స్లు)లను వెనక్కి నెట్టాడు.
హషీమ్ ఆమ్లా (123 ఇన్నింగ్స్లు), విరాట్ కో హ్లీ(136 ఇన్నింగ్స్లు), కేన్ విలియమ్సన్ (139 ఇన్నింగ్స్లు) అతడి కంటే ముందున్నారు. ఈ జాబితాలో భారత్ తరఫున కోహ్లీ అగ్రస్థానంలో ఉండగా.. గబ్బర్ రెండో స్థానానికి చేరుకున్నాడు. ఇక మాజీ కెప్టెన్ సౌరవ్ గంగూలీ 147 ఇన్నింగ్స్‌లలో 6000 వన్డే పరుగులు సాధించాడు.
# కెప్టెన్గా బాధ్యతలు చేపట్టిన తొలి మ్యాచ్లోనే అర్ధ శతకం బాదిన ఐదో భారతీయుడిగా గబ్బర్ సరికొత్త ఫీట్ సాధించాడు. అతడికంటే ముందు అజిత్ వాడేకర్, రవిశాస్త్రి, సచిన్ టెండూల్కర్, అజయ్ జడేజా, ఎంఎస్ ధోనీ ఉన్నారు.
