ఇందులో భాగంగా రాంచీలోని తన ఫామ్‌హౌజ్‌కు పరిమితమైన టీమిండియా మాజీ సారథి, చెన్నై సూపర్‌ కింగ్స్‌ కెప్టెన్‌ మహేంద్ర సింగ్‌ ధోనీ సేంద్రీయ వ్యవసాయం చేయడం నేర్చుకుంటున్నాడు. ట్రాక్టర్‌ ఎక్కి పొలం దున్నుతున్నాడు. అందుకు సంబంధించిన ఓ వీడియోను అభిమానులు సామాజిక మాధ్యమాల్లో పంచుకోడంతో విషయం వెలుగులోకి వచ్చింది. ఈ వీడియో కాస్త వైరల్ అవుతోంది.
కాగా, ధోనీ ఇంతకుముందే ఓ వీడియోలో మాట్లాడుతూ సేంద్రీయ వ్యవసాయం చేయడం తనకు ఇష్టమని, అది నేర్చుకుంటున్నానని చెప్పాడు. పుచ్చకాయలు, బొప్పాయిలు ఈ పద్ధతిలో ఎలా సాగుచేయాలో తెలుసుకుంటున్నట్లు తెలిపాడు.
