ఇదిలా ఉంటే.. ఇంగ్లండ్తో జరుగుతున్న ముంబై టెస్ట్లో కోహ్లీ రెండు ఘనతలను సాధించాడు. ఈ ఏడాది టెస్ట్ క్రికెట్లో వెయ్యి రన్స్ పూర్తి చేసిన ఇండియన్ క్రికెటర్గా రికార్డు సృష్టించాడు. 2011 సంవత్సరంలో రాహుల్ ద్రావిడ్ కూడా ఒకే ఏడాదిలో వెయ్యి పరుగులు స్కోర్ చేశాడు. ఇప్పటికే ఈ ఏడాదిలో కోహ్లీ మొత్తం 11 టెస్ట్లు ఆడాడు. అందులో 211 అత్యధిక స్కోర్.
ఈ ఏడాదిలో టెస్టుల్లో వెయ్యి పరుగులు పూర్తి చేసిన ప్లేయర్లలో కోహ్లీ నాలుగవ బ్యాట్స్మెన్గా నిలిచాడు. ఇంగ్లండ్కు చెందిన బెయిర్స్ట్రో, కుక్, రూట్లు కూడా ఈ ఘనతను సాధించారు. ముంబై టెస్ట్లో కోహ్లీ మరో మైలురాయిని కూడా అందుకున్నాడు.
టెస్టు కెరీర్ లో మొత్తం 4వేల పరుగుల మార్కును పూర్తి చేసుకున్నాడు. అతి తక్కువ మ్యాచ్ల్లో 4వేల మైలురాయిని చేరుకున్న ఆరవ భారత బ్యాట్స్మెన్గా కోహ్లీ రికార్డు సాధించాడు. గతంలో సెహ్వాగ్, సచిన్, ద్రావిడ్, అజహర్, గవాస్కర్ ఈ ఘనతను అందుకున్నారు.