భారత క్రికెట్ మాజీ కెప్టెన్ తన సహచర బౌలర్ హర్భజన్ సింగ్‌కు సారీ చెప్పాడు. బాలీవుడ్ నటి గీతా బస్రాను టీమిండియా క్రికెటర్ హర్భజన్ సింగ్ వివాహం చేసుకున్న సంగతి తెలిసిందే. వీరికి ఒక పాప పుట్టింది. తాజాగా తన భార్య, కుమార్తెలతో కలసి స్వర్ణ దేవాలయం వద్ద దిగిన ఫొటోను భజ్జీ తన ట్విట్టర్ అకౌంట్‌లో పోస్టు చేశాడు.
ఈ ఫోటోను చూసిన గంగూలీ.. భజ్జీ, గీత దంపతులకు బాబే పుట్టాడనుకున్నాు. అయితే తర్వాత తన తప్పును తెలుసుకుని సారీ చెప్పాడు. "క్షమించాలి... పాప చాలా అందంగా ఉంది... నాకు వయసు పెరుగుతోంది భజ్జీ" అంటూ మరో ట్వీట్ చేశాడు. ఈ ట్వీట్‌కు భజ్జీ స్పందిస్తూ దాదా ట్వీట్‌కు కృతజ్ఞతలు తెలిపాడు. త్వరలోనే మిమ్మల్ని కలుస్తానని భజ్జీ ట్వీట్ చేశాడు.
