కెప్టెన్ కేన్ విలియమ్సన్ 49 పరుగులతో టాప్ స్కోరర్ గా నిలవగా, ఆఖర్లో జేమీసన్ (21), సౌథీ (30) ధాటిగా ఆడడంతో కివీస్ జట్టు భారత తొలి ఇన్నింగ్స్ స్కోరును అధిగమించింది. టీమిండియా బౌలర్లలో మహ్మద్ షమీ 4 వికెట్లు తీయగా, ఇషాంత్ శర్మ 3 వికెట్లు సాధించాడు. అశ్విన్ 2, జడేజా ఓ వికెట్ తీశారు.
తొలి ఇన్నింగ్స్‌లోనూ కోహ్లీని జేమిసన్ ఔట్ చేసిన విష‌యం తెలిసిందే. ఆఫ్ స్టంప్ అవ‌త‌ల లూజ్ షాట్ ఆడిన కోహ్లీ త‌న వికెట్‌ను స‌మ‌ర్పించుకున్నాడు. దీంతో ఇండియా త‌న రెండ‌వ ఇన్నింగ్స్‌లో మూడు వికెట్ల‌కు 72 ర‌న్స్ చేసింది. పుజారా, ర‌హానేలు క్రీజ్‌లో ఉన్నారు.
రెండ‌వ ఇన్నింగ్స్‌లోనూ త‌న బౌలింగ్‌తో ఇండియాపై అటాక్ చేస్తున్నాడు. మ్యాచ్ ప్రారంభంలో కెప్టెన్ కోహ్లీ, పుజారా వికెట్ల‌ను జెమిస‌న్ త‌న ఖాతాలో వేసుకున్నాడు. దీంతో ఇండియా తీవ్ర క‌ష్టాల్లో ప‌డింది. అతి స్వల్ప స్కోర్ల‌కే పుజారా, కోహ్లీలు నిష్క్ర‌మించారు. కోహ్లీ 13, పుజారా 15 ర‌న్స్ చేసి ఔట‌య్యారు. కీల‌క వికెట్లు తీసిన కివీస్ మ్యాచ్‌పై ప‌ట్టు బిగించింది.
