ప్రపంచ కప్‌లో భాగంగా టౌంటన్లో జరుగుతున్న లీగ్ మ్యాచ్‌లో ఆస్ట్రేలియా, పాకిస్థాన్‌లు తలపడుతున్నాయి. పాకిస్థాన్ కెప్టెన్ టాస్ గెలిచి బౌలింగ్ ఎంచుకున్నాడు. ఇంగ్లాండ్‌ను 14 పరుగులతో ఓడించిన పాకిస్థాన్.. అదే ఊపుతో ఆస్ట్రేలియాను కూడా ఓడించాలనే పట్టుదలతో బరిలోకి దిగింది.
అలాగే ప్రపంచ కప్ తొలి మ్యాచ్‌లో పాకిస్థాన్ విండీస్ చేతిలో ఓడిపోయింది. కానీ టైటిల్ ఫేవరెట్లలో ఒకటి, వన్డే ర్యాంకింగ్‌లలో నెంబర్ వన్‌గా ఉన్న ఇంగ్లాండ్‌ను చిత్తు చేసింది. శ్రీలంకతో ఆడాల్సిన పాక్ మూడో మ్యాచ్ ఒక బంతి కూడా పడకుండానే వర్షార్పణం కావడంతో ఇరు జట్లకు చెరో పాయింట్ ఇచ్చారు.
ఇకపోతే.. నిలకడగా ఆడుతున్న ఆస్ట్రేలియా ఏడు ఓవర్లు ముగిసే నాటికి ఆస్ట్రలియా వికెట్లేమి నష్టపోకుండా 36 పరుగులు చేసింది. క్రీజులో ఫించ్ (16), వార్నర్ (18) నిలకడగా ఆడుతున్నారు. ఇప్పటికే భారత్‌తో జరిగిన మ్యాచ్‌లో అపజయం మూటగట్టుకున్న ఆస్ట్రేలియా, ఎలాగైన ఈ మ్యాచ్‌లో రాణించి వరల్డ్ కప్ టోర్నీలో సత్తా చాటుకోవాలని ఊవిళ్లూరుతోంది.
