ప్రపంచకప్‌లో భాగంగా ఓవల్ మైదానం వేదికగా దక్షిణాఫ్రికా, బంగ్లాదేశ్ జట్ల మధ్య మ్యాచ్ ప్రారంభమైంది. ఈ మ్యాచ్‌లో టాస్ నెగ్గిన దక్షిణాఫ్రికా కెప్టెన్ డుప్లెసిస్ ఫీల్డింగ్ ఎంచుకున్నాడు. ఈ ప్రపంచకప్‌లో టాస్ గెలిచిన ప్రతి కెప్టెన్ బౌలింగ్ ఎంచుకుంటున్న విషయం తెలిసిందే. భార‌త్‌తో వార్మ‌ప్ మ్యాచ్‌లో బౌలింగ్ చేస్తుండ‌గా గాయపడిన బంగ్లా కెప్టెన్ మ‌ష్ర‌ఫే మొర్త‌జా మ్యాచ్ ఆడుతున్నాడు.
ప్రపంత కప్‌లో ఇది ఐదో లీగ్ మ్యాచ్. ఇకపోతే.. దక్షిణాఫ్రికా తన తొలి లీగ్ మ్యాచ్‌లో 104 పరుగుల తేడాతో ఇంగ్లండ్ చేతిలో ఖంగుతింది. ఇక బంగ్లాదేశ్ తన ప్రాక్టీస్ మ్యాచ్‌లో భారత్ చేతిలో ఓడిపోయింది. అయినప్పటికీ బంగ్లాదేశ్‌ను తక్కువగా అంచనా వేయడం తగదని క్రీడా పండితులు అంటున్నారు. ఎందుకంటే... 2007 ప్రపంచ కప్ పోటీల్లో భాగంగా సూపర్ 8 రౌండ్ మ్యాచ్‌లో బంగ్లాదేశ్ జట్టు 67 పరుగుల తేడాతో దక్షిణాఫ్రికాను ఓడించడం గమనార్హం.
