షకీబ్ తర్వాతి స్థానాల్లో వార్నర్(447), జో రూట్(424), ఫించ్(396) ఉన్నారు. ఈ స్టార్ ఆల్‌రౌండర్ బౌలర్లను సమర్థవంతంగా ఎదుర్కొంటూ బంగ్లాకు ఒంటిచేత్తో విజయాలను అందిస్తున్నాడు.
ఈ క్రికెట్ మెగా టోర్నీలో పరుగుల వరద పారిస్తున్న షకీబ్ వరల్డ్‌కప్ చరిత్రలో వెయ్యి పరుగుల మైలురాయిని పూర్తి చేసుకున్నాడు. కాగా బంగ్లాదేశ్ క్రికెట్ జట్టులో ఈ ఫీట్ సాధించిన ఏకైక ఆటగాడు షకీబ్ కావడం విశేషం. ఈరోజు అఫ్ఘనిస్థాన్ జట్టుతో జరుగుతున్న మ్యాచ్‌లో దవ్లాత్ జద్రాన్ వేసిన 21వ ఓవర్ చివరి బంతికి సింగిల్ తీసి ఈ రికార్డ్‌కు చేరుకున్నాడు.
