ఈ సంఘటన రాష్ట్రంలోని హనుమాన్‌గఢ్ జిల్లాలో జరిగింది. పోలీసుల తెలిపిన వివరాల ప్రకారం, 19 ఏళ్ల యువకుడు పూటుగా మద్యం సేవించి మహిళ ఇంటిలోనికి ప్రవేశించాడు. తొలుత మహిళపై అత్యాచారం చేసేందుకు ప్రయత్నించాడు. ఆమె తీవ్రంగా ప్రతిఘటించడంతో ఆమెను కొట్టి చంపేసి ఆ తర్వాత శవంపై అత్యాచారం చేశాడు.
మహిళ బావమరిది యువకుడిపై ఫిర్యాదు చేయడంతో ఈ విషయం వెలుగుచూసింది. 60 ఏళ్ల వృద్ధ మహిళ ఒంటరిగా నివశిస్తోంది. ఆమెకి పిల్లలు లేరు. అర్థరాత్రి సమయంలో నిందితుడు కుమార్ వృద్ధురాలి ఇంట్లోకి ప్రవేశించాడు. ఆమెపై అఘాయిత్యం చేయబోగా ప్రతిఘటించడంతో మంచంపైకి తోసి గొంతు కోసి చంపేసాడు. ఆ తర్వాత అత్యాచారం చేసినట్లు నిందితుడు అంగీకరించాడు. యువకుడిని పోలీసులు అరెస్టు చేసి దర్యాప్తు చేస్తున్నారు.
