పోలీసులు వెల్లడించిన వివరాల మేరకు... మేడ్చల్ - మల్కాజిగిరి జిల్లాలోని శామిర్‌పేటకు చెందిన ఓ విద్యార్థిని (15) తొమ్మిదో తరగతి చదువుతుంది. ఈ నెల 22వ తేదీన పాఠశాలకు వెళ్లిన ఆ విద్యార్థిని ముఖానికి మాస్క్ ధరించలేదు. ఆ సమయంలో ఆ బాలికను చూసిన హెడ్మాస్టర్ తన గదికి రావాలంటూ ఆదేశించాడు. దీంతో భయంతో వణికిపోతూ గదికి వెళ్లిన బాలికపై హెడ్మాస్టర్ లైంగికదాడికి పాల్పడ్డారు. పైగా, ఈ విషయం ఎవరికైనా చెబితే తీవ్ర పరిణామాలు ఎదుర్కోవాల్సి వస్తుందని, టీసీ ఇచ్చి పంపించి వేస్తానని హెచ్చరించడంతో ఆ బాలిక మిన్నకుండిపోయింది.
ఆ మహిళా హెచ్ఎం.. బాధిత బాలికకు అండగా నిలిచి, పోలీసుల ఫిర్యాదు చేసింది. దీంతో కేసు నమోదు చేసిన పోలీసులు... స్కూల్ హెడ్మాస్టర్‌పై పోక్సో చట్టం కింద కేసు నమోదు చేసి అరెస్టు చేశారు. కేసు దర్యాప్తు జరుపుతున్నారు. బాలికకు వైద్య పరీక్షలు కూడా చేయించాలని నిర్ణయించారు.
